Moskva vağzalında bomba həyəcanı

Rusiyanın paytaxtı Moskvanın Yaroslavsk vağzalından insanları təxliyə etməyə başlayıblar. Musavat.com Rusiya informasiya qaynağına istinadən xəbər verir ki, təxliyə vağzala bomba qoyulması ehtimalı ilə bağlıdır.

“Yaroslavsk vağzalında partlayış təhlükəsi ilə bağlı evakuasiya tədbirləri həyata keçirilir”, - deyə hüquq-mühafizə orqanlarındakı mənbə qeyd edib.

Xatırladaq ki, iyun ayında paytaxtın Leninqrad vağzalında şübhəli predmet aşkarlandıqdan sonra təxliyə həyata keçirilmiş, lakin partlayıcı qurğu aşkar edilməmişdi.