13 Sentyabr 2015 12:59
359

Suriyanın dövlət mətbuatı ölkənin qərbindəki Latakiya şəhərində iki Rusiya təyyarəsinin endiyini bildirib.

Xəbərə əsasən təyyarələrlə Suriyaya 80 ton humanitar yardım çatdırılıb.

Sahilyanı Latakiya şəhəri prezident Bəşər əl-Əsədin istehkamı sayılır.

Bundan əvvəl Suriyadakı hərbi döyüşlərdə Rusiya hərbçilərinin bilavasitə iştirakı barədə məlumatlar yayılıb.

Rusiya bu barədə xəbərləri təkzib etsə də, Suriyaya hərbi mütəxəssis və silah-sursat göndərdiyini inkar etmir.

Rusiyanın xarici işlər naziri Sergey Lavrov humanitar yardımdan başqa əməkdaşlıq müqaviləsinə əsasən Suriyaya hərbi təyinatlı yüklərin göndərildiyini bildirib.

BBC-ə müsahibəsində Xarici İşlər Nazirliyinin rəsmi nümayəndəsi Mariya Zaxarova Moskva ilə Dəməşq əməkdaşlığının hərbi-texniki müqavilələr kənarına çıxmadığını deyib.


Müəllif:
Загрузка...