“Ducuan” fırtınası Yaponiyaya yaxınlaşır

Yaponiyanın cənubundakı Okinava prefekturasında “Ducuan” qasırğasının yaxınlaşması ilə əlaqədar fırtına xəbərdarlığı elan olunub.

Yaponiya Meteorologiya İdarəsinin yaydığı məlumata əsasən, tropik fırtına günün sonunda Sakişima adasına çatacaq.

Hazırda qasırğanın mərkəzində küləyin sürəti saniyədə 50 metrə çatır. Proqnozlara əsasən, həmin ərazidə dalğaların hündürlüyü 10 metri keçəcək. Bununla əlaqədar kiçik gəmilərdə dənizə çıxmamaq və təhlükəsiz yerlərdə dayanmaq tövsiyə olunub.

Tropik qasırğanın Okinavaya həm də leysan yağışlar gətirəcəyi, yağıntının bəzi yerlərdə 150 millimetr təşkil edəcəyi gözlənilir.

“Ducuan” cari ildə Sakit okeanda yaranmış sayca 21-ci tropik qasırğadır. Onun Yaponiya ərazisini tərk etdikdən sonra Tayvana tərəf yönələcəyi bildirilir.