Rusiyadan İsrailə xəbədarlıq - TƏCİLİ

Rəsmi Moskva Suriyada həyata keçirəcəyi hava əməliyyatları barədə İsrail tərəfini məlumatlandırıb.

Teleqraf.com ria.ru-ya istinadən xəbər verir ki, bununla bağlı Rusiyanın Tel-Əvivdəki səfirliyi məlumat yayıb. Səfirliyin mətbuat katibi Yevgeni Piskunov bildirib ki, Rusiyanın Suriyaya hərbi müdaxilə ilə bağlı verdiyi qərarla əlaqədar İsrail rəhbərliyi məlumatlandırılıb.

Rusiya Suriyada həyata keçirəcəyi əməliyyatla bağlı Pentaqonu xəbərdar edib. Rəsmi Moskvanın eyni zamanda ABŞ-dan öz hərbi təyyarələrini Suriya səmasından geri çəkməyini tələb etdiyi bildirilir.

Qeyd edək ki, prezident Vladimir Putinin Rusiyanın xarici ölkələrə müdaxilə etməsi ilə bağlı Federasiya Şurasına verdiyi təklif qəbul edilib. Qərara əsasən, Rusiya Suriyada hava hücumları həyata keçirəcək.

Samir