15 nəfəri güllələyən özünü də vurub

ABŞ-nın Oreqon əyalətində məktəbə silahlı hücum nəticəsində 15 nəfəri güllələyən 26 yaşlı Christopher Harper-Mercer özü-özünü öldürüb.

ANS PRESS-in məlumatına görə, bunu Oreqon ştatının Roseburq şəhərinin Duqlas rayonun polis rəisi John Hanlin keçirdiyi mətbuat konfransında bildirib.

Polis rəisi bildirib ki, bunu tibbi ekspertiza müəyyən edib. İlkin xəbərlərədə müstəntiqlərin ehtimalına gorə, Harper-Mercerin atışmada polis tərəfindən öldürüldüyü qeyd olunurdu.

Ölənlərin siyahısı da açıqlanıb. Onların yaşı 18-dən 67-yə kimidir. Aralarında tələbələrlə yanaşı kolleci təmizləyən xidmətçi və müəllim də var. Harper-Mercer kollecə azı 6 silahla gəlib, onun üstündə 5 silah darağı olub. Onun hadisəni hansı səbəb törətdiyi motivi hələ araşdırılır.

Yerli mətbuatın verdiyi xəbərə görə, Rozberq şəhərində 3 min tələbənin təhsil aldığı “Umpqua” kollecinə silahlı hücum səhər saatlarında olub. Ölən 15 nəfərin hamısının tələbə olub-olmadıqları barədə məlumat verilməyib.

Okeandan bu tərəf ölkələrə demokratiya ixrac edən ABŞ öz daxilindəki məktəblərdə törədilən silahlı hücumların qarşısını almaqda acizdir.