İraq ordusu iki böyük şəhəri İŞİD-dən qismən azad edib

İraq ordusu və könüllülərdən ibarət silahlı dəstələr ölkənin şimalındakı Bayci şəhərinin mərkəzini İŞİD terrorçulardan azad edib. APA-nın “RİA Novosti”yə istinadən verdiyi xəbərə görə, bunu “Sputnik” agentliyinə könüllü dəstələrin nümayəndəsi Kərim ən Nuri bildirib.

Onun sözlərinə görə, döyüşçülər ərazini terrorçulardan azad edərək, partlayıcı qurğulardan təmizləyib. Bundan əvvəl ordu qüvvələri şəhərin bir neçə rayonunu terrorçulardan azad edib, həmçinin neftayırma zavodunun ərazisini nəzarətə alıblar.

Ər-Rəmadi şəhərində də ordu uğurlu irəliləyişə nail olub. Belə ki, şəhərin şimalında üç rayon terrorçulardan azad edilib.