Ukraynanın Müdafiə Nazirliyi aviasiyanın Luqansk şəhər ətrafını bombalaması xəbərini təsdiqləyib. Mərmilərdən biri şəhərin mərkəzi meydanında partlayıb. Nəticədə 8 mülki vətəndaş həlak olub.
Publika.az Ukrayna KİV-lərinə istinadən xəbər verir ki, Luqansk ətrafında gedən ordu əməliyyatlarında hərbi aviasiya şəhərə 150-dən çox raket zərbəsi endirib. Günün ikinci yarısında isə əməliyyatlarda Mİ-24 helikopterləri və onları havada qoruyan MİQ-29 təyyarələri iştirak edib.
Luqanskda dünəndən bəri davam edən hava hücumlarının nəticələrini Müdafiə Nazirliyi qənaətbəxş sayıb.
Hazırda əməliyyatlar Slavyansk istiqamətində gedir.