Moskvada selfi çubuqları ilə özünümüdafiə kursları

Rusiya paytaxtı Moskvada selfie çubuqları ilə özünümüdafiə kursları açılacaq.

Teleqraf.com xarici mediaya istinadən xəbər verir ki, bununla bağlı Moskva Əlbəyaxa Döyüş Mərkəzinin (M-PROFI) mətbuat xidməti məlumat yayıb.

Məlumatda bildirilir: "Son vaxtlar turistlərə hücumların sayı artıb. Belə vəziyyətlərdə turistlərin yeganə müdafiə vasitəsi selfie çubuğu olur. Bununla bağlı onların vasitəsilə özünümüdafiənin öyrənilməsinə ehtiyac yaranıb”.

Yeni müdafiə üzrə təlimlərin tam kursu 5 dərsdən ibarətdir. İlk dərs nəzəriyyəyə həsr olunacaq. Daha 4 dərsdə isə praktiki fəndlər öyrədiləcək.

Samir