Rusiya ilk dəfə İŞİD-lə bağlı addımını ABŞ-la razılaşdırdı

Rusiya rəsmiləri ilk dəfə olaraq İŞİD terror təşkilatının bombardman edilməsini amerikalı həmkarları ilə razılaşdırıb.

Teleqraf.com xarici mediaya istinadən xəbər verir ki, bununla bağlı Pentaqon məlumat yayıb. Razılaşdırılmadan sonra Rusiya İŞİD-ə qanadlı raketlərdən və bombardmançı təyyarələrdən zərbələr endirir.

Məsələ ilə bağlı açıqlama verən Pentaqon nümayəndəsi Peter Kuk bildirib ki, Rusiya təyyarələri ilk dəfə olaraq İŞİD-in "paytaxtı" Rakka şəhərinin bombardman edilməsi ilə bağlı ABŞ tərəfini məlumatlandırıb.

Qeyd edək ki, oktabrın əvvəllərində iki ölkə arasında İŞİD-ə qarşı hücumlarda məlumatların qarşılıqlı mübadiləsi haqqında razılıq imzalanmışdı.

Samir