24 Noyabr 2015 08:35
573

Dünyanın dörd ağ şimal kərgədanından biri Amerika Birləşmiş Ştatlarındakı zooparkda ölüb.

41 yaşlı dişi kərgədan, Nolanın vəziyyəti bazar günü aparılmış cərrahiyyə əməliyyatından sonra ağırlaşmışdı.

Nola 1989-cu ildən bəri San Diegodakı Safari Park heyvanxanasının sevimlisi idi. Qalan üç ağ şimal kərgədanın üçü də yaşlıdır və onlara Keniyadakı Ol Pejeta qoruğunda keşik çəkilir.

Həkimlər noyabrın 13-də Nolanın budunda yığılmış irini təmizləmək üçün onun üzərində cərrahiyyə əməliyyatı aparmışdılar. Ağ şimal kərgədanı qiymətli buynuzuna görə brakonyerlər tərəfindən amansızcasına ovlandığından, 2008-ci ildə canlı təbiətdə kökünün kəsildiyi elan edilmişdi.

San Diego zooparkı bu yaxınlarda bətnlərində ağ kərgədan embrionlarını yetişdirmək ümidi ilə 6 cənub kərgədanı gətirmişdi.

Hazırda dünyada 20 minə yaxın cənub kərgədanı var, lakin hələlik onların ağ kərgədan döllərinin surroqat prosesində istifadə üçün genetik baxımdan uyarlı olub-olmadığı araşdırılır.

Zoopark alimləri deyirlər ki, proqram uğurlu olarsa, ağ şimal kərgədanının buzovu 10-15 ilin içində doğula bilər.


Müəllif: