NATO Monteneqronu sıralarına dəvət edir

Rusiyanın etirazına baxmayaraq NATO-nun Monteneqronu təşkilata qoşulmağa dəvət edəcəyi gözlənilir.

Diplomatların sözlərinə görə dekabrın 2-də Monteneqroya rəsmi şəkildə NATO-ya qoşulmaq təklif olunacaq.

Həmçinin NATO-nun baş katibi Jens Sltonterbeq bunun dekabrın 1-də başlayana Brüssel görüşündə gündəlikdə olan əsas məsələlərdən biri olacağını bildirib.

Rusiya xəbərdarlıq edib ki, Monteneqronun NATO-ya qoşulmasına təxribat kimi baxacaq.

Brüssel görüşündə həmçinin Türkiyədə hava hücumlarından müdafiə sisteminin gücləndirilməsi, Əfqanıstan qüvvələrinin maliyyələşdirilməsi və NATO-Rusiya münasibətləri də müzakirə olunacaq.

2009-cu ildə Xorvatiya ilə Albaniya da NATO-ya qoşulub.