4 Dekabr 2015 19:35
635
12 Punto 14 Punto 16 Punto 18 Punto

Tailand polisi bildirib ki, İslam Dövləti (İD) qruplaşmasına işləyən 10 suriyalının oktyabr ayında ölkəyə daxil olması və rusiyalıları hədəf alması barədə onlara Moskvadan xəbərdarlıq edilib.

Tailand polisindən sızan məlumata görə, bu barədə Rusiya kəşfiyyatı bildirib. 2013-cü ildə Taylanda 1,5 milyondan çox rusiyalı səfər edib.

Lakin Tailand polisi bildirib ki, onlar bu suriyalıların ölkədə olduqlarını təsdiq edə bilməyiblər. Rusiya Suriyadakı hava hücumlarına sentyabrın axrında başlayıb.

İD ilə əlaqəsi olan qruplaşma oktyabr ayında Misirin Sinay yarımadasında Rusiyaya məxsus sərnişin təyyarəsinin vurulmasına görə məsuliyyəti üzərinə götürüb.

Hadisə nəticəsində təyyarənin göyərtəsində olmuş 224 nəfər həyatını itirib.


Müəllif: