Həbsxanadan qaçmış narkobaron yaxalanıb - Açıqlama

Meksika hüquq-mühafizə orqanları məşhur narkobaron Xoakin Qusmanı yaxalayıb.

APA-nın TASS agentliyinə istinadən verdiyi məlumata görə, bu barədə Meksika prezidenti Enrike Nyeto bildirib.

“Məqsədimizə çatdıq, biz onu yaxaladıq. Meksikalılara xəbər vermək istəyirəm ki, Xoakin Qusman Loera saxlanılıb”, prezident özünün "Tvitter"ində yazıb.

Hadisənin təfərrüatları barədə hələ ki, heç bir məlumat verilmir.

Qeyd edək ki, Xoakin Qusman 2015-ci ilin iyununda həbsxanadan qaçmışdı.