Dağıstanda polis məntəqəsi partladılıb: 3 ölü, 12 yaralı

Dağıstanın Dərbənd şəhərindən 15 km uzaqlıqda olan polis məntəqəsinə bombalı hücum təşkil olunub.

Musavat.com xəbər verir ki, bu barədə məlumat "Russia Today" saytında yer alıb. Məlumata görə, hadisə nəticəsində 3 nəfər ölüb, 12 nəfər isə yaralanıb. Yaralananların altısının polis olduğu bildirilib. Verilən məlumata əsasən, hücumu İŞİD terror qruplaşması öz üzərinə götürüb.

Rəsmilər ehtimal edir ki, partlayışı kamikadze törədib.

O da bildirilir ki, hadisədən bir gün əvvəl həmin polis məntəqəsinə naməlum şəxslər silahlı hücum təşkil edib və nəticədə bir polis yaralanıb.