“Facebook”dan Ankara terroruna görə yeni tətbiq

Sosial şəbəkə təhlükəsizlik tədbirlərini gücləndirib.

Türkiyənin paytaxti Ankarada baş verən terror aktı ilə əlaqədar “Facebook” sosial şəbəkəsi təhlükəsizlik tədbirlərini gücləndirib. ANS PRESS-in məlumatına görə, bununla bağli “Facebook” təhlükəsizlik rejimi aktiv edib.

Qeyd edək ki, ötən axşam Türkiyənin paytaxtı Ankarada güclü partlayış olub. Partlayış hərbi şəhərcik yaxınlığında baş verib. İlkin məlumatlara görə, şiddətli partlayış nəticəsində 28 nəfər ölüb, 78 nəfər isə yaralanıb. Terror aktı 3 maşının partladılması nəticəsində baş verib. Hazırda xəstəxanaya yerləşdirilən yaralılardan 10 nəfərinin vəziyyəti çox ağır qiymətləndirilir. Ona görə də ölənlərin sayının artacağı istisna edilmir.