Dövlət Departamenti: Suriyada atəşkəsə dair razılıq hələlik əldə olunmayıb

ABŞ dövlət katibi Con Kerri və Rusiya XİN rəhbəri Sergey Lavrov arasında baş tutmuş telefon danışığı zamanı Suriyada atəşkəsə dair razılığa hələlik nail olunmadığı vurğulanıb.

APA-nın “TASS”a istinadən verdiyi xəbərə görə, bu barədə ABŞ Dövlət Departamenti məlumat yayıb.


Məlumata görə, tərəflər işçi qrupunun atəşkəsə dair layihənin hazırlanmasında irəliləyişə nail olduğunu qeyd ediblər.

“Dövlət katibi yaxın zamanda hərbi əməliyyatların tamamilə dayandırılmasına nail olacaqlarına ümid etdiyini ifadə edib”, deyə məlumatda bildirilir.