Türkiyə artilleriyası İŞİD-ə zərbələr endirib

Türkiyə artilleriyası İŞİD-in Suriyanın şimalındakı mövqelərinə zərbələr endirib. APA-nın “Anadolu”ya istinadən verdiyi xəbərə görə, zərbələr Suriya ilə həmsərhəd Kilis əyalətindən endirilib.

Məlumata görə, zərbələrə İŞİD-in Suriyanın Halfeti, Karamezra, Düden, İzzətiyə və Qarakörpü yaşayış məntəqələri ətrafındakı mövqeləri məruz qalıb.

Məlumata görə, Türkiyə hərbçiləri bölgədə təhlükəsizlik tədbirlərini gücləndiriblər. Türkiyə-Suriya sərhədi boyunca səddin ucaldılması davam etdirilir.