Ankaradakı terror aktı zamanı yaralananlar xəstəxanalara yerləşdirildi

Ankaranın Kızılay meydanındakı partlayışdan sonra ərazidə təhlükəsizlik tədbirləri gücləndirilib.

Teleqraf.com-un "Sabah"a istinadən xəbərinə görə, meydana piyada və avtomobillərin girişinə icazə verilmir.

Atatürk Bulvarında meydana gələn partlayışın ardından bölgəyə çoxlu sayda təcili yardım və xilasetmə qüvvələri cəlb edilib.

Hazırda Kızılay meydanı üzərində təhlükəsizlik qüvvələrinə aid bir vertolyot da nəzarət uçuşu edir.

Alınan ilk məlumatlara görə, partlayış zamanı 27 nəfər ölüb, 75 nəfər yaralanıb, bəzi avtomobillər və iş yerlərinə ziyan deyib. Hadisə zamanı yaralananlar Ankaradakı 10 xəstəxanaya yerləşdirilib.

Ankara valisi Mehmet Kılıclar da hadisə yerindədir.

Nihad