"Çin kəndliləri şəhərlilərə paketlərdə hava satır" - FOTOLAR

Son vaxtlar havanın çirklənməsindən əziyyət çəkən çinlilər yeni çarə tapıblar.

Teleqraf.com-un məlumatına görə, Çində dağ kəndlərində yaşayan kəndliləri pul qarşılığında şəhərdə yaşayan çinlilərə və turistlərə təmiz hava satmaqla məşğul olurlar. Cənubi Çinin Quanqdonq bölgəsinin sakinləri Lianşan dağından paketlərə yığdıqları dağ və meşə havasını şəhərlilərə təklif edirlər. Kəndlilər bu işi biznesə çevirməklə yeni bir sektor yaradıblar.

Onların seçdikləri şüarlar da maraqlıdır. Kəndlilərin sözlərinə görə, “Bir paket hava, satın alınan sağlamlıqdır”. Kəndlilər təmiz hava doldurduqları paketlərin içinə dağ və meşədən yığdıqları çiçəkləri də qoyurlar. 1 paket təmiz hava 1,5-4,5 dollar qarşılığında təklif olunur.

Qeyd edək ki, Çində vəziyyət o həddə çatıb ki, artıq Kanada şirkətləri də çinlilər üçün təmiz hava satmağa başlayıb. Kanadanın “Vitality air” şirkəti havanı balonlara yığaraq çinlilərə 15 dollara təklif edirlər.

Nərgiz