Hindistanda güclü yanğın: 102 nəfər öldü, 300 nəfər yaralandı - YENİLƏNDİ

"Hindu" qəzetinin məlumatına görə, yanğın nəticəsində 102 nəfər ölüb, 300-dən çox adam yaralanıb.

08:11

Hindistanın Kerala ştatındakı məbəddə güclü yanğın baş verib.

Trend-in İndia Today saytına istinadən verdiyi məlumata görə, yanğın nəticəsində 80-dən çöx zəvvar ölüb, 250 nəfər yaralanıb.

İlkin məlumata görə Kollam şəhərində yerləşən məbəddə baş verən yanğına səbəb dini ayinlərin keçirilməsi zamanı fişənglərin partladılması olub.

Yerli mətbuat hadisə nəticəsində məbədin tamamilə uçduğunu qeyd edir.

Bildirilir ki, polis fişənglərin partlayış təhlükəsi barədə əvvəllər məbəd əməkdaşlarını çağıraraq ondan istifadəni qadağan edib. Görünür sonradan buna əhəmiyyət verilməyib.