ABŞ Rusiya ilə sərhədə qırıcılar göndərdi

ABŞ Rumıniyaya "F-22 Raptor" tipli iki qırıcı göndərib.

Teleqraf.com-un xarici mətbuata istinadən verdiyi məlumata görə, qırıcılar Qaradənizin yaxınlığında yerləşən Mixail Koxalniceanu hava limanına enib. Dünyanın ən sürətli qırıcısı olan "F-22 Raptor"lar səsdən sürətli uçur və radara düşmür. Bu qırıcılar hazırda Ukrayna-Rusiya sərhədinə yaxın yerdə saxlanılır.

NATO-un planlarına uyğun olaraq ABŞ-ın bölgəyə qırıcı göndərməsi Rusiyanın Qərbi Avropa və Qaradənizdəki hərbi mövcudluğuna qarşı addım kimi də qiymətləndirilir.

Roumıniya Hərbi Hava Qüvvələri komandiri Laurian Anastasov Rusiyanın bölgədə hərbi fəaliyyətini getdikcə gücləndirdiyini deyib. Rumıniyanın hava sərhədlərini tez-tez pozan rus qırıcıları bir müddət öncə Baltik Dənizində ABŞ-a məxsus hərbu gəmilərin üzərindən təhlükəli uçuş həyata keçirmişdi.

Ayxan