Bakıda yol qəzası: 3 nəfər xəsarət aldı

Bakıda 3 nəfərin xəsarət alması ilə nəticələnən yol qəzası baş verib.

APA-nın məlumatına görə, hadisə Aeroport şosesinin Binə qəsəbəsi ərazisindən keçən hissəsində qeydə alınıb.

VAZ-2107 markalı avtomobil sürətlə hərəkətdə olan zaman əvvəlcə maneəyə çırpılıb, sonra isə yol kənarındakı piyadanı vurub. Hadisə nəticəsində piyada, 1961-ci il təvəllüdlü, Nəzərov Mehman Ayazxan oğlu, eləcə də, avtomobildəki sərnişinlər - 63 yaşlı Məhərrəmva Xuraman Ümid qızı və onun qızı, 26 yaşlı Məhərromva Lamiyə İlqar qızı xəsarət alıblar. Yaralılar 3 saylı Şəhər Kliniki Xəstəxanasına çatdırılıb. Avtomobilin sürücüsü isə hadisə yerini tərk edib. Hazırda polis əməkdaşları qəza törədən sürücünü axtarır.

Hadisənin törədildiyi avtomobil cərimə meydançasına yerləşdirilib. Faktla bağlı Xəzər Rayon Polis İdarəsində araşdırma aparılır. İlkin ehtimala görə, hadisəyə yüksək sürət səbəb olub. Sürücünün hadisə yerindən qaçması onun sükan arxasına sərxoş vəziyyətdə keçməsi şübhələrini də yaradır.