İslamçıların lideri edam edildi

Banqladeşdə "Camaat-i İslami" müxalif partiyasının lideri Motiur Rahman Nizami edam edilib.

Teleqraf.com "Anadolu" agentliyinə istinadən xəbər verir ki, bununla bağlı Nizaminin oğlu Nakibur Rahman məlumat verib.

Onun sözlərinə görə, atası paytaxt Dakkanın mərkəzi həbsxanasında edam edilib.

Qeyd edək ki, məhkəmə 73 yaşlı siyasətçi haqqında ötən il ölüm hökmü çıxarıb. Nizamini 1971-ci ildə Banqladeş-Pakistan müharibəsi zamanı soyqırım, qətllər və təcavüzlərdə ittiham olunub. İttihamda göstərilib ki, o, Pakistan rəhbərliyinə gizli yolla Banqladeşdəki fəalların adını açıqlayıb.

Samir