İŞİD Yəməndə 25 can aldı

Yəmənin cənubunda özünü İslam Dövləti adlandıran qrupun canlı bomba hücumu azı 25 nəfərin həlak olmasına səbəb olub.

Rəsmilər deyirlər ki, canlı bomba Mukalla şəhərinin polis bazasının yaxınlığında partlayıb.

İD-in cihadçı rəqibi Ərəbistan Yarımadasında əl-Qaidə (AQAP) ötən ay Səudiyyənin başçılıq etdiyi hərbi koalisiya tərəfindən Mukalladan çıxarılıb.

2011-ci ildən bəri Yəməndə davam edən münaqişə təxminən iki milyon insanın köçkün vəziyyətə düşməsinə səbəb olub.