Anasını öldürən milyarderin oğluna hökm oxundu

Bu gün Tatarıstan məhkəməsi rusiyalı oliqarx İqor Sosinin həyat yoldaşının ölüm işi ilə bağlı hökm çıxarıb.

Teleqraf.com xarici mediaya istinadən xəbər verir ki, qətldə ittiham edilən oliqarxın 20 yaşlı oğlu Eqorun cinayəti sübuta yetirilmiş hesab edilib.

Məhkəmə tibbi ekspertizasının rəyinə əsasən, cinayəti törədərkən Eqorun psixi durumu normal olmayıb. Bununla əlaqədar məhkəmə Eqoru məcburi müalicəyə göndərib.

Qeyd edək ki, hadisə ötən ilin dekabrın 10-da Kazandakı "Korston" otelində baş vermişdi. Otelin təmizlik işçiləri 44 yaşlı Anastasiya Sosinanın cəsədini qaldığı nömərdə aşkar etmişdilər. Araşdırmalar zamanı qətldə şübhəli bilinən Eqor saxlanılmışdı.

Dindirilmə zamanı Eqor bura müalicə məqsədi ilə gəldiklərini və anasının ona müəyyən sakitləşdirici həblər verdiyini bildirib.

Xatırladaq ki, "Starik Xottabıç" şirkətinin direktoru İqor Sosinin oğlu Eqor ABŞ və İngiltərənin ən qabaqcıl təhsil müəssisələrini bitirib.

Elvin