Rusiya prezidenti: "Krım məsələsini birdəfəlik bağlı hesab edirik"

"Krım məsələsi bağlıdır".

APA-nın Moskva müxbirinin verdiyi məlumata görə, bunu Yunanıstanda səfərdə olan Rusiya Prezidenti Vladimir Putin ukraynalı həmkarı Pyotr Poroşenkonun "Nadejda Savçenkonun ardından Krımı da geri qaytaracağıq" bəyanatını şərh edərkən bildirib.

"Hesab edirik ki, Krım məsələsi birdəfəlik bağlanıb. Bu, Krımda yaşayan insanların tarixi qərarıdır. Rusiya bu məsələ ilə bağlı heç kəslə müzakirə aparmayacaq", deyə V. Putin qeyd edib.