Tacikistanın birinci prezidenti Kaxxor Maxkamov 85 yaşında uzun sürən xəstəlikdən sonra Düşənbədə vəfat edib. K.Maxkamov bu gün Düşənbədə dəfn ediləcək.
1990-cı ilin oktyabr ayında Tacikistan Ali Soveti (TAS) tərəfindən prezidentlik institutu təsis olunub və TAS K.Maxkamovu ölkənin birinci prezidenti seçib.
Kaxxor Maxkamov 1982-1986-cı illərdə Tacikistan Ali Sovetinin sədri, 1986-1991-ci illərdə Tacikistan KP MK-nin birinci katibi vəzifələrində çalışıb. O, Tacikistan parlamentinin ömürlük deputatı idi.
Tacikistan prezidenti Emamali Rahmon K.Maxkamovun ailəsinə başsağlığı teleqramı göndərib. (“Azərtac”)