Teleqraf.com şair Mətləb Ağanın yeni şeirini təqdim edir.
***
... Aprelin son həftəsi...
... uzaq dəniz sahili...
süpürgə rüzgarların
o tərtəmiz sahili...
...yelkən-yelkən ümidlər
bir gəmiyə tamarzı...
...və göydələn arzular
zirzəmiyə tamarzı...
günlər bir-bir yıxılan
domino daşlarıdı...
...güzgüdəki o adam
səni bağışlamadı...
bu otaqda nə vaxtdı
bir sən, bir xatirələr!
hər qapı döyüləndə
diksinir xatirələr!
lap üzr də istəsən
yorğun ayaqlarından,
ta sənə qismət olmaz
o dağların qarından...
...sonra rəfdən götürüb,
uda-uda tozunu,
təzədən oxuyarsan
“Robinzon Kruzo”nu...