30 Noyabr 2020 16:01
2 839

Ermənistanın birinci prezidenti Levon Ter-Petrosyanın mətbuat katibi Armen Musinyan Baş nazir Nikol Paşinyanın bugünkü ittihamlarına cavab verib.

Teleqraf.com xəbər verir ki, o, baş nazirin keçmiş prezident haqda fikirlərinin doğru olmadığını deyib.

“İstədiyini danışsın. Hər halda, özünə haqq qazandırmaq şansı yoxdur. Erməni xalqı onu heç vaxt bağışlamayacaq”, - Armen Musinyan söyləyib.

Bundan başqa, Ermənistanın ikinci prezidenti Robert Köçəryan ofisinin rəhbəri Viktor Soqomonyan da Nikol Paşinyanın açıqlamasına qısa cavab verib: “Yalan Nikolla ayrılmazdır”.

Xatırladaq ki, Baş nazir Nikol Paşinyan bu gün Feysbuk səhifəsində Levon Ter-Petrosyan və Robert Köçəryanın Moskvaya səfəri ilə əlaqədar danışıqların təfərrüatlarını təqdim edib.


Müəllif: Mənsur Rəğbətoğlu