“Türk ordusu İğdırdadır, gözünü dikib Zəngəzura...” – Sərkisyandan şok

“Azərbaycanlılar heç bir problem olmadan Ermənistan və Xankəndinə daxil olurlar”.

Teleqraf.com xəbər verir ki, bunu erməni politoloq Suren Sərkisyan deyib.

Sərkisyan Türkiyə Silahlı Qüvvələrinin İğdırdan Ermənistana nəzarət etdiyini, Zəngəzuru diqqətdə saxladığını iddia edib:

“Azərbaycanlılar Ermənistanın bölgələrinə və Xankəndinə problemsiz daxil olurlar. Dövlət orqanları iflic vəziyyətindədir. Xarici siyasət və diplomatiya tamamilə iflasa uğrayıb. Ordu vurulan fiziki, mənəvi və psixoloji zərbədən qurtulmalıdır. İqtisadiyyat yoxa çıxıb. Koronavirus Ermənistandan daha güclüdür. Dövlət qurumları yoxdur. Xalq depressiyadadır. Türk qüvvələri hələ də İğdırdadır, gözləri də Sünikdə (Zəngəzur)”.

Suren Sərkisyan ölkədə total anarxiyanın olduğunu vurğulayıb.