Ermənistanda nəqliyyatın hərəkəti iflic oldu: İrəvan-Mehri yolu təhlükədə

Ermənistana yağan güclü qar nəqliyyatın hərəkətini iflic edib.

Teleqraf.com xəbər verir ki, bu barədə Ermənistan Fövqəladə Hallar Nazirliyi məlumat yayıb.

Qeyd edilir ki, İrəvan-Mehri avtomobil yolunun Gorus-Qafan hissəsində və Tatev-Agvani-Qafan yolunda avtomobillərin hərəkəti olduqca çətinləşib.

Həmçinin Vardenis istiqaməti yük avtomobilləri üçün bağlıdır. Aragatsotn bölgəsindəki Amberd qalasına və Kari gölünə aparan yollar da qapalıdır.

Paytaxtdan Lori, Sünik, Aragatsotn, Kotayk, Şirak, Artik və digər yaşayış məntəqələri istiqamətində da yollar buz bağlayıb.