“Nikol xain deyil, o erməni xalqının və dövlətinin düşmənidir” - Vazgen Manukyan

Nikol Paşinyan istefa verənə qədər itaətsizlik aksiyası hər gün keçiriləcək. Çünki Paşinyanın etdiklərini bağışlamaq olmaz. İndi hər gün baş verənlər erməni xalqı üçün dağıdıcıdır.

Teleqraf.com xəbər verir ki, bu sözləri Ermənistan müxalifətinin baş nazir postuna vahid namizədi Vazgen Manukyan deyib.

Manukyan əlavə edib ki, Nikol Paşinyanın erkən parlament seçkilərində namizəd olacağını düşünmür: “Sadəcə olaraq Paşinyan sahəni yenidən partiyalara, köhnə və indikilərə, ağ və qaraya bölmək istəyir. Biz Ermənistan Baş naziri Nikol Paşinyanın rəhbərliyi altında heç bir seçki ola bilməyəcəyini açıq şəkildə elan etmişik. Paşinyan getməlidir. Ən azından dəyişiklik edəcək, ordunun döyüş hazırlığını artıracaq və sərhəd məsələlərində danışıq apara biləcək hökumət qurulmalıdır”.

Manukyan əlavə edib ki, seçkilərin keçirilməsi cəmiyyətin yenidən bölünməsi deməkdir: “Seçkilər bir mübarizədir, bu zaman partiyalar bir-birilə döyüşməyə başlamalı olacaq. Erkən parlament seçkilərinin belə bir şəraitdə keçirilməsinə icazə verməyəcəyik. On minlərlə insan küçələrə çıxır, yüz minlərlə insan olmasa da, əslində bu hərəkatı dəstəkləyir. Nikol xain deyil, xalqımızın və dövlətimizin düşmənidir. O, heç vaxt bizimlə birlikdə olmayıb. Kənarda düşmən olub. İndi xalq müxalifətə deyil, Nikol Paşinyana qarşıdır. Seçkilərdə müxalifət olacaq. Amma indi əsas mübarizə milli hərəkat bizim vətənimizi düşməndən xilas etməyə yönəlib”.