Prezident Baş Qərargah rəisini vəzifədən azad etməlidir - Ermənistan TŞ

“Ermənistan Respublikasının Təhlükəsizlik Şurası müdafiə siyasətinin əsas istiqamətlərini müəyyənləşdirən qurum - Silahlı Qüvvələri siyasi proseslərə cəlb etmək cəhdlərini qətiyyətlə pisləyir”.

Teleqraf.com xəbər verir ki, bu barədə Ermənistan Təhlükəsizlik Şurasının bu gün keçirilən iclasından sonra qəbul etdiyi bəyanatda qeyd edilib.

Təhlükəsizlik Şurası bildirib ki, Ermənistan Respublikasının Konstitusiyası Silahlı Qüvvələrin siyasi proseslərə cəlb edilməsinin yolverilməzliyini, mülki nəzarət adı altında olma faktını açıq şəkildə müəyyənləşdirir.

Qanuna görə, Ermənistan Silahlı Qüvvələri Baş Qərargah rəisinin ən yüksək hərbi xidmətdə olan bir şəxs olaraq təyin və vəzifədən azad edilməsi təklifi hökumət başçısının qərarına əsaslanır.

Təhlükəsizlik Şurasının bəyanatında ölkə prezidentinin hökumət başçısının Baş Qərargah rəisi ilə bağlı qərarlarını təsdiq etməyə çağırıb:

“Ermənistan prezidenti Konstitusiyaya riayət olunmasını izləyən ən vacib qurum olmaqla, birmənalı şəkildə uyğun bir yanaşma göstərməyə borcludur.

Yuxarıda göstərilənlərə əsaslanaraq Təhlükəsizlik Şurası Respublika prezidentindən Baş Qərargah rəisinin tutduğu vəzifədən azad edilməsi və müvafiq fərmanı imzalaması ilə bağlı baş nazirin ərizəsini təmin etməyə çağırır”.