Paşinyan Qasparyanın yerinə yeni namizəd irəli sürdü

Ermənistan baş naziri Nikol Paşinyan silahlı qüvvələrin baş qərargah rəisi vəzifəsinə Artak Davtyanın namizədliyini irəli sürüb.

Teleqraf.com-un məlumatına görə, bunu N.Paşinyanın mətbuat katibi bildirib və baş nazir bununla bağlı ölkə prezidentinə vəsatət təqdim edib.

Xatırladaq ki, Artak Davtyan 2018-2020-ci illərdə baş qərargah rəisi vəzifəsində işləyib. O, ötən ilin iyulunda karantin müddətində oğluna toy mərasimi təşkil etdiyi üçün istefa vermişdi.