16 May 11:09
1 512

Azərbaycan-Ermənistan sərhədində yerləşən Qara gölün erməni ordusunun nəzarətində olduğunu iddia edən baş nazirin müavini Tiqran Avinyan ələ salınıb.

Teleqraf.com xəbər verir ki, Avinyan Qara gölün ətrafının Ermənistan Silahlı Qüvvələrinin nəzarətində olduğunu iddia edib.

Baş nazirin müavini Feysbukda bir su hövzəsi fonunda çəkdirdiyi fotoşəkil yayımlayıb. O, bu fotonun Qara göldə çəkildiyini iddia edib.

Erməni jurnalist Naira Oxikyan fotonun Qara göl yaxınlığında çəkildiyinə şübhə etdiyini bildirərək Avinyanın ora yox, daha kiçik Qaz gölünə getdiyini yazıb. Bu ərazi, Oxikyana görə, erməni qoşunlarının nəzarəti altındadır, lakin Azərbaycan qoşunlarının mövqelərindən çox uzaqdır.

Sosial şəbəkənin erməni seqmentində də, Tiqran Avinyanın Qara göldə yox, bir bataqlıqda foto çəkdirdiyini də iddia edib.


Müəllif: Mənsur Rəğbətoğlu