Sərkisyan erməni ordusunun 100 milyon dollarını kazinoda uduzub - Məhkəmə başlayır

İrəvanın birinci instansiya məhkəməsində Ermənistanın üçüncü prezidenti Serj Sərkisyanın kazinoda 100 milyon dollar uduzub-uduzmadığına dair məlumatı dəqiqləşdirmək üçün proses başlayır.

Teleqraf.com erməni mediasına istinadla xəbər verir ki, bu barədə Sərkisyanın vəkili Aram Makinyan məlumat verib.

Xatırladaq ki, avqustun 25-də Ermənistan parlamentinin deputatı, “Vətəndaş müqaviləsi” fraksiyasınınü üzvü Xaçatur Sukiasyan bəyan edib ki, Sərkisyan ordu üçün nəzərdə tutulan 100 milyon dolları kazinoda uduzub.

İndi eks-prezident və vəkili bu iddianın məhkəmədə təsdiq edilməsini tələb edir. Sərkisyan iddianın təsdiq edilməyəcəyi təqdirdə deputatdan parlament tribunasından bu xəbəri təkzib etməsini və bir milyon dram cərimə edilməsini tələb edir.