Ermənistan prezidenti: “Kosmosa uçmaq istəyirəm”

Ermənistan Prezidenti Armen Sərkisyan kosmosa uçmaq arzusunu davam etdirdiyini bildirib.

Teleqraf.com xəbər verir ki, bu barədə o, “Kamurjyan-100” konfransının iştirakçılarının suallarına cavab verərkən bildirib.

A.Sərkisyan deyib: “Prezident olmamışdan əvvəl kosmik turist olmaq barədə ciddi şəkildə düşünmüşəm. Mən bu barədə xəyal qurmağa davam edirəm. Fransanın Şamoni şəhərində keçirilən “Düşüncə sammiti”ndə iştirak edərkən daha bir kosmik kompaniya mənə müraciət etdi. Beləliklə, hazırda mənim kosmosa uçmaqla bağlı üç təklifim var”.