İrəvanda siyasi hərarət artır: 280-ə yaxın aksiya iştirakçısı tutuldu

Ermənistanın Baş naziri Nikol Paşinyanın istefası tələbi ilə müxalifətin İrəvanda keçirdiyi etiraz aksiyalarında artıq 280-ə yaxın şəxs saxlanılıb.

Teleqraf.com xəbər verir ki, bu barədə RİA-Novosti məlumat yayıb.

“Hazırda 277 nəfər polis şöbələrinə təhvil verilib”, - deyə polisdən bildiriblər.

Qeyd edək ki, bir gün əvvəl polis 417 etirazçının həbs olunduğunu elan etmişdi.

Mayın 18-də səhər saatlarında Ermənistan polisi etirazçıların itaətsizlik nümayiş etdirdiyi İrəvanda həbslərə başlayıb.