Azərbaycanla Ermənistan arasında atəşkəs əldə olundu

Beynəlxalq ictimaiyyətin iştirakı ilə atəşkəs əldə olunub.

Teleqraf.com Axar.az-a istinadla xəbər verir ki, bu fikirləri Ermənistan Təhlükəsizlik Şurasının katibi Armen Qriqoryan deyib.

“Bu, atəşkəslə bağlı razılaşmanın olması deməkdirmi?” sualına Qriqoryan “Təbii ki, razılaşma olmasaydı, atəşkəs mümkün olmazdı”, cavabını verib.

Bundan öncə Rusiyanın BMT-dəki daimi nümayəndəsi Vasili Nebenzya qeyd edib ki, BMT Təhlükəsizlik Şurasının qapalı məsləhətləşmələrinin iştirakçıları yekdilliklə Ermənistanla Azərbaycan arasında tezliklə atəşkəs əldə olunmasının, vəziyyətin siyasi-diplomatik vasitələrlə nizamlanmasının tərəfdarı olduqlarını bildiriblər.

Qeyd edək ki, Azərbaycan XİN İrəvana humanitar atəşkəs təklif etdiyini, buna baxmayaraq, Ermənistanın buna əməl etmədiyini və artilleriya atəşlərinə davam etdiyini açıqlayıb.