Paşinyandan 17 hərbi əsirin qaytarılmasına reaksiya

"ABŞ-ın Azərbaycanda saxlanılan 17 erməni hərbi əsirin qaytarılması məsələsində göstərdiyi səyləri yüksək qiymətləndirirəm".

Teleqraf.com xəbər verir ki, bunu Ermənistanın baş naziri Nikol Paşinyan Tvitter hesabında yazıb.

“Mən ABŞ-ın 17 hərbi əsirimizin geri qaytarılmasına dəstək səylərini yüksək qiymətləndirirəm. Ümid edirəm ki, beynəlxalq tərəfdaşlarımızın birgə səyləri ilə biz həm humanitar problemlərin həllində, həm də regionda sülhün bərqərar olunmasında daha da irəliləyiş əldə edəcəyik”, - o yazıb.

Xatırladaq ki, bu gün Azərbaycan tərəfi ABŞ-ın vasitəçiliyi ilə 17 erməni hərbi əsiri Ermənistan tərəfinə təhvil verib.