Putinlə Paşinyan arasında görüş başa çatdı - Yeniləndi

Rusiya Prezidenti Vladimir Putinlə Ermənistan baş naziri Nikol Paşinyan arasında Rusiyanın Soçi şəhərində keçirilən görüş başa çatıb.

Teleqraf.com xəbər verir ki, bu barədə N.Paşinynın mətbuat xidmətindən bildirilib.

Qeyd olunub ki, görüş 1 saatdan çox davam edib.

***

15:49

Soçidə Rusiya Prezidenti Vladimir Putinlə Ermənistanın baş naziri Nikol Paşinyan arasında görüş başlayıb.

Teleqraf.com xəbər verir ki, məlumatı N.Paşinyanın mətbuat xidməti yayıb.

Qeyd edək ki, bu gün Soçi şəhərində Azərbaycan Prezidenti İlham Əliyev, Rusiyanın dövlət başçısı Vladimir Putin və Ermənistanın baş naziri Nikol Paşinyan arasında üçtərəfli görüş olacaq.

***

11:28

Ermənistanın Baş naziri Nikol Paşinyanın rəhbərlik etdiyi nümayəndə heyəti Rusiyanın Soçi şəhərində səfərdədir.

Teleqraf.com xəbər verir ki, hökumət başçısını müavini Mqer Qriqoryan, Təhlükəsizlik Şurasının katibi Armen Qriqoryan, xarici işlər naziri Ararat Mirzoyan və digər vəzifəli şəxslər müşaiyət edir.

Məlumata görə, Ermənistanın Rusiyadakı səfiri Vaqarşak Arutyunyan da nümayəndə heyətinə qoşulacaq.

Qeyd edək ki, bu gün, oktyabrın 31-də Soçi şəhərində Azərbaycan Prezidenti İlham Əliyev, Rusiyanın dövlət başçısı Vladimir Putin və Ermənistanın Baş nazir Nikol Paşinyan arasında üçtərəfli görüş keçiriləcək.

***

10:24

Ermənistanın Baş naziri Nikol Paşinyan oktyabrın bu gün Rusiyaya işgüzar səfərə gedəcək.

Teleqraf.com xəbər verir ki, bu barədə Ermənistan hökumətinin mətbuat xidməti məlumat yayıb.

Paşinyan Soçidə Rusiya Prezidenti Vladimir Putinlə təklikdə görüşəcək, bundan sonra Azərbaycan, Ermənistan, Rusiya liderlərinin üçtərəfli görüşü planlaşdırılır.