Paşinyan ilk addımı atdı: Ermənistan KTMT-dən çıxır

“Nikol Paşinyan hökuməti Ermənistanı KTMT-dən çıxarmaq üçün hərəkətə keçib”.

Teleqraf.com xəbər verir ki, bunu Ermənistan parlamentinin deputatı Tiqran Abramyan deyib.

Deputat Ermənistanın KTMT-dən çıxarılması üçün ilk addımın atıldığını iddia edib:

“Xarici İşlər Nazirliyinin məlumatına görə, Ermənistan KTMT katibinin müavini kvotasından imtina etmək üçün KTMT-yə müvafiq təklif təqdim edib. Qeyd edim ki, KTMT katibinin üç müavininin vəzifəsi rotasiya xarakterlidir.

Ermənistan nə edir?

Birincisi, bununla Ermənistan KTMT-nin siyasi xətti ilə bağlı öz reaksiyasını bildirir.

İkincisi, bu, təşkilatla münasibətlərin siyasi səviyyəsini aşağı saldığını göstərir.

Üçüncüsü, məndə belə bir təəssürat yaranır ki, Ermənistan bu addımı ilə KTMT-dən ayrılmaq prosesinə başlayır”.