Sərkisyandan Rusiya etirafı: “O vaxt bunu etməsəydim...”

Ermənistanın keçmiş prezidenti Serj Sərkisyan hakimiyyəti dönəmində ölkəsini necə Rusiyadan asılı vəziyyətə gətirdiyini etiraf edib.

Teleqraf.com xəbər verir ki, o, bunun qarşılığında Ermənistanın Rusiya tərəfindən silahlandırılmasına da diqqət çəkib.

Sərkisyan etiraf edib ki, Ermənistan Rusiyanın dominant rola malik olduğu KTMT və Avrasiya İqtisadi Birliyinə üzv olmasaydı, bu, ölkəsinə baha başa gələcəkdi.

“KTMT ilə münasibətlərimizi davam etdirməsəydik, o zaman milyardlarla dollarlıq silahımız olmazdı. Əgər Avrasiya İqtisadi Birliyinə daxil olmasaydıq, Ermənistan iqtisadiyyatı çökəcəkdi. Düz iki il Gömrük İttifaqı və Avrasiya İqtisadi Birliyindən, üzv ölkələrdən bizi həmin qurumlara qəbul etmələrini xahiş etdim. Çünki onlara qoşulmamaq Moldovada, Gürcüstanda, Ukraynada yaranmış vəziyyətə gətirib çıxaracaqdı”, - sabiq prezident bildirib.