"Paşinyan KTMT-dən çıxacağımızı deməyib" - İrəvandan geri addım

“Baş nazir Nikol Paşinyan ölkəmizin Kollektiv Təhlükəsizlik Müqaviləsi Təşkilatından çıxacağını yox, istədiyimiz vaxt bununla bağlı qərar verə biləcəyimizi deyib”.

Teleqraf.com xəbər verir ki, bu fikirləri parlamentdəki çıxışında Ermənistanın xarici işlər naziri Ararat Mirzoyan bildirib.

“Kimsə Nikol Paşinyanın məhz bu kontekstdə çıxış etdiyini düşünürsə, yanılır. Bunu çox rahatlıqla isbatlamaq mümkündür. Baş nazir sadəcə onu deyib ki, ölkəmiz təşkilatın üzvlüyündən çıxmalı olsa, bir daha geri qayıtmayacaq”, – Mirzoyan fikirlərini belə yekunlaşdırıb.