İrəvanda səfirlik işçiləri ilə vətəndaşlar arasında dava düşdü

Ermənistanın paytaxtı İrəvanda Almaniya səfirliyinin əməkdaşları ilə mübahisə edən vətəndaşlar polislər tərəfindən döyülüb.

Teleqraf.com xəbər verir ki, bu barədə erməni mətbuatı məlumat yayıb.

Məlumata görə, hüquq-mühafizə orqanlarının əməkdaşları tərəfindən döyülən 62 yaşlı E.Q. xəstəxanaya yerləşdirilib. Hadisə zamanı habelə 60 və 48 yaşlı şəxslər xəsarət alıblar. Onların İrəvan sakinləri olduqları bildirilir.

Zərərçəkənlərdən biri polisə bildirib ki, növbətçilik qaydasının pozulması ilə bağlı yaranan fikir ayrılıqları səbəbindən səfirlik əməkdaşları onlara qarşı hörmətsizlik edib. Onlar bundan sonra polisə zəng ediblər. Əraziyə gələn post-patrul əməkdaşları isə sakinlərə qarşı güc tətbiq ediblər və əlləri qandallı vəziyyətdə polis şöbəsinə aparıblar.