Əskipara-Kirants yolu Azərbaycanın nəzarətinə keçə bilər - Ermənistan parlamentində mübahisə

Ermənistanın Baş nazirin müavini Mher Qriqoryan parlamentdə deputatların suallarını cavablandırarkən çıxılmaz vəziyyətə düşüb.

Teleqraf.com "News.am"a istinadla xəbər verir ki, sərhədlərin müəyyənləşdirilməsindən danışan Qriqoryan əldə olunan razılaşmaları press-relizlər şəklində dərc etdiklərini və bu çərçivədən kənara çıxmadıqlarını bildirib.

Bu zaman “Hayastan” fraksiyasından deputat olan Qarnik Danielyan "Ermənistan-Gürcüstan dövlətlərarası yolunun Voskepar (Əskipara- red) -Kirants hissəsinin Azərbaycan tərəfinə verilməsi nəzərdə tutulurmu" sualı ilə Baş nazirin müavininə müraciə etdib.

Qriqoryan suala aydın cavab verə bilməyib.

Daha sonra Qarnik Danielyan çıxış edərək deyib: "Bəlkə zaldan soruşaq ki, kimsə sizin dediyinizi başa düşüb, ya yox. Konkret sual verirəm, aydın cavab gözləyirəm".

Qriqoryan deputatı yalnız press-relizlərdə qeyd olunanlara inanmağa çağırıb.