Yeznə qaynının evini qarət etdi – Cəlilabadda

Cəlilabadda oğurluq hadisəsi baş verib.

Teleqraf.com xəbər verir ki, Cəlilabad rayon polis şöbəsi əməkdaşlarının keçirdikləri əməliyyat-axtarış tədbirləri nəticəsindəc ötən ilin dekabr ayının 4-də rayonun Mirzəli kəndi ərazisində yaşayan S.Nuriyevanın evindən 1.200.000 rubl (31.800 manat), 19.500 ABŞ dolları və 15.000 manat, habelə qızıl-zinət əşyaları oğurlamaqda şübhəli bilinən Bakı şəhər sakini Elvin İbayev saxlanılıb.

O, ifadəsində törətdiyi cinayəti etiraf edib.

Qeyd edək ki, E.İbayevin oğurluq etdiyi mənzil qaynına məxsus olub.

Faktla bağlı saxlanılan şəxs barəsində Cəlilabad rayon polis şöbəsində cinayət işi başlanılıb.

E.İbayev barəsində məhkəmənin qərarı ilə həbs qətimkan tədbiri seçilib.