Putin: Münaqişənin həllində təminatçısı kimi çıxış edə bilərik

Rusiya Dağlıq Qarabağ münaqişəsinin həllinin təminatçısı kimi çıxış edə bilər.

Teleqraf.com RİA Novosti-yə istinadən xəbər verir ki, bunu Rusiya Prezidenti Vladimir Putin Ermənistan prezidenti Serj Sərkisyanla görüşündən sonra deyib.

Putin qeyd edib ki, Rusiya rəsmi Bakı ilə İrəvan arasında gərginliyin aradan qaldırılmasında maraqlıdır: "“Qarabağ düyünün açılmasına həm ATƏT-in Minsk qrupu çərçivəsində, həm də İrəvan və Bakı ilə birbaşa təmaslarla hər cür yardım etməyə davam edəcəyik. Ümid edirik ki, Azərbaycan və Ermənistan qalib və məğlub olmadan kompromisli həllə nail ola biləcəklər. Rusiya və bəzi digər Minsk qrupu ölkələri Dağlıq Qarabağ münaqişəsinin həllində təminatçı qismində çıxış edə bilər".