Bob Dilan Nobeli qəbul etdi və hamını şoka saldı: “Mükafatı qəbul edirəmmi? Əlbəttə!”

Amerikalı məşhur yazıçı, mahnı sözlərinin müəllifi və ifaçısı, rəssam və kinoaktyor Bob Dilan İsveç Akademiyasına bildirib ki, ədəbiyyat üzrə ona verilmiş Nobel mükafatını qəbul etməyə razıdır.

Teleqraf.com xəbər verir ki, bu barədə Nobel komitəsinin saytında xüsusi məlumat dərc edilib.

Nobel komitəsinin əməkdaşları uzun müddət bu musiqiçi ilə əlaqə saxlaya bilməyiblər. Komitə nümayəndələri müğənninin tapmağa cəhd edərkən onun dostları ilə əlaqə saxlayır və hətta Dilanın hərəkətlərini təkəbbür kimi qiymətləndirirdilər.

Sonradan Bob Dilan özü Komitənin əməkdaşları ilə əlaqə saxlayıb. Akademiyanın daimi katibi Dilanın mükafatı qəbul edib-etməyəcəyini soruşanda o deyib: “Mükafatı qəbul edirəmmi? Əlbəttə!”

Laureat onu da qeyd edib ki, bu mükafatın ona verilməsi barədə xəbəri eşidəndə nitqi tutulub. O həmçinin bildirib ki, İsveç Akademiyasının seçimini özü üçün şərəf sayır.

Oktyabrın 13-də İsveç Akademiyası bu musiqiçiyə “Amerika mahnı ənənələri çərçivəsində yeni poetik ifadə forması yaradılmasına görə” Nobel mükafatı verib.