1 Noyabr 2016 16:07
795
12 Punto 14 Punto 16 Punto 18 Punto

Daxili İşlər Nazirliyi Baş İctimai Təlükəsizlik İdarəsi və Ekologiya və Təbii Sərvətlər Nazirliyinin əməkdaşları ölkə ərazisində qanunsuz ovun qarşısının alınması məqsədilə bir neçə reyd keçiriblər.

Daxili İşlər Nazirliyinin mətbuat xidmətindən Teleqraf.com-a verilən məlumata görə, son 3 gündə keçirilən tədbirlər zamanı Neftçala rayonunun Şirvanlı qəsəbəsində Bakı şəhər sakini Şövqü İlyasov, Salyan rayonunun Xələc kəndində rayon sakinləri Zaur Abdullayev və Mirağa Axundov, İmişli rayonu ərazisində Bakı şəhər sakini İsrafil İsmayılov, Sabirabad rayon sakini Şahin Ağayev və Allahmədətli kənd sakini Marif Rəhimov saxlanılıblar.

Qanunsuz ovla məşğul olanlardan ümumilikdə 6 ov silahı, o cümlədən 1 ədəd “Tulip” markalı, 1 ədəd “Baettihsoli” markalı, 1 ədəd “MR-153” markalı və 3 ədəd “İJ-58” markalı silahlar götürülüb.

Ov qaydalarını, eləcə də mülki silahın daşınması və saxlanılması qaydalarını pozmuş həmin şəxslər Azərbaycan Respublikası İnzibati Xətalar Məcəlləsinin müvafiq maddələrinə əsasən inzibati məsuliyyətə cəlb ediliblər. Qanunsuz ovun qarşısının alınması istiqamətində birgə tədbirlər davam etdirilir.

Hacı Zeynalov


Müəllif: